Ақмола облысында қолма-қол ақшаны сейфімен бірге ұрлаған күдіктілер ұсталды, - деп хабарлайды Massaget.kz тілшісі.
Оқиға 19 маусымға қараған түні болған. Бетперде киген үш белгісіз адам кәсіпорынның бухгалтерлер отыратын кабинетінің есігін бұзып, металл сейфті ұрлап алып кеткен. Жедел іздестіру іс-шараларының нәтижесінде полицейлер үш күдіктіні анықтады.
"Олардың қылмысқа қатысы тексеріліп жатыр. Қарақшылар сейфте бірнеше миллион теңге қолма-қол ақша бар деп үміттенді, алайда кәсіпкердің айтуы бойынша бұл күндері мәмілелер қолма-қол ақшасыз жүргізілді, ал сейфте шамамен 500 мың теңге ақшалай сома болған", - деп жазылған ІІМ хабарламасында.
Осылайша, полиция қызметкерлерінің жедел және үйлесімді әрекеттерінің арқасында ұрлық бір күнде ашылып, қылмыскерлер ұсталған.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова