Қолма-қол ақша алуға шектеу енгізілгені рас па?

2026 жылғы 1 қаңтардан бастап Қазақстанда банк шоттарынан қолма-қол ақша алудың жаңа тәртібі күшіне енді, - деп хабарлайды Massaget.kz тілшісі.

Мән-жайы

Былтыр Ұлттық банк, Қаржы министрлігі және Қаржы нарығын реттеу және дамыту агенттігі бірлескен қаулы қабылдады. Соған сәйкес кәсіпкерлер белгіленген шектен артық қолма-қол ақша алған жағдайда ақша алуының мақсатын түсіндіруге міндетті.

Жаңа ереже кімдерге қатысты?

Жаңа талаптар 2026 жылғы 1 қаңтардан бастап күшіне енді және:

• заңды тұлғаларға;
• жеке кәсіпкерлерге қолданылады.

Алайда қолма-қол ақша алуға қатысты шектен ресми түрде босатылғандар бар, олардың тізімін Ұлттық банк жеке бекітеді.

Ай сайынғы шек 

Ұлттық банк бекіткен шектеулер:

• шағын бизнеске - айына 20 миллион теңгеге дейін;
• орта бизнеске - 120 миллион теңгеге дейін;
• ірі бизнеске - 150 миллион теңгеге дейін.

Ақшаны қалай шешуге болады?

Белгіленген шек бойынша

Кәсіпкер банкке өтініш жолдайды, банк ақшаны қалыптасқан тәртіппен береді.

Шектен асқанда

Белгіленген мөлшерден артық сома қажет болса, кәсіпкер:

• қолма-қол ақша алу мақсатын құжаттармен дәлелдеуге тиіс (шарт, шот, тізім, сатып алу актісі, инвойс, смета, бұйрық және т.б.).

Тексеріс қалай өтеді?

Шектен асқан жағдайда банк келесі жұмыс күні сағат 10:00-ге дейін Мемлекеттік кірістер комитетіне:

• өтінішті,
• артық сома көлемін,
• мақсатын,
• компания деректерін,
• құжаттарды,
• келісімді жолдайды.

Мемлекеттік кірістер комитеті келесі жұмыс күнінің аяғына дейін:

• қауіп болса, ақшаны беруден бас тарта алады;
• қауіп болмаса, ақшаны беруге рұқсат етеді.

3 жұмыс күні ішінде жауап болмаса, банк ақшаны беруге міндетті.

Тексеріс нәтижесі 1 ай бойы жарамды. 

Instagram парақшамызға жазылып, ең қызықты ақпараттарды бірінші болып оқыңыз!