Көлікте терезені ашып қоюдың 6 қаупі аталды

Көліктің кондиционері болса, терезені ашпаған жөн. "За рулем" журналы себебін түсіндірді, - деп хабарлайды Massaget.kz тілшісі.

"Көліктің кондиционері бола тұра, жүргенде терені ашып қоятын болсақ, бірден улы ауамен дем аламыз. Әр тыныс алу кезінде өкпе пайдаланылған газдар, резеңке бөлшектері, тежегіш жастықшалар мен жол төсемдерінің қоспасымен толады. Мұндай жағдайда салон сүзгісі жұмысының пайдасы жоқ", - деп жазған басылым.

Сондай-ақ, көліктің терезесі ашық тұрса, салонға жәндік кіріп, жүргізушіге кедергі келтіруі мүмкін. 

Жүргізуші көліктен шығуы үшін терезеден салонға қасақана қоқыс тастайтын алаяқтардың құрбаны болуы ықтимал. Көлік иесі сыртқа шыққанда салондағы бағалы дүниесінен немесе темір тұлпарынан айрылып қалуы да мүмкін.

Сонымен қатар, көлікте терезені ашқан кездегі желдің дыбысы құлақтың қысымына әкеп соқтыруы мүмкін. Оған қоса, шу жүргізуші мен жолаушыларды шаршатып, миын ашытады. 

Бұдан бөлек, егер көліктің терезесі жабық болса, апат кезінде сынықтардан зардап шегу қаупі әлдеқайда төмен болады.

Көлікте терезе ашық болса, жолға шыққан кезде отын шығыны артады.

Қызықты жаңалықтар мен видеоларды көру үшін TikTok арнамызға жазылыңыз!