Көлікті күз мезгіліне қалай дайындау керек?

Жаздың аяқталғанына да 10 күн уақыт өтті. Қоңыр күз келіп, ауа-райы адамдарға түрлі қолайсыздық тудыруы әбден мүмкін. Әсіресе жүргізушілер көліктерін күз мезгіліне дайындауы керек. Темір тұлпарыңызда проблемалар туындамас үшін ең алдымен не нәрсеге назар аудару керек? Massaget.kz тілшісі зерттеп көрді. 

Көлігіңіздің қай бөлшегін тексеріп ауыстыру керек?

Ең алдымен жаңбыр мен ылғалды ауа-райында қиындыққа тап болмас үшін көліктің алдыңғы әйнек пен көлік капотының арасындағы кеңістікті тазалаңыз. Арнайы терезені тазалауға арналған су шашатын тесіктерді тексеріңіз. Кір мен жапырақтар олар жерді бітеп тастайды. Ине секілді құрылғымен тазаласаңыз да артық етпейді. 

Сондай-ақ, жарық құрылғылары мен тазалағыштардың жағдайын тексеру керек. Егер ескілері дұрыс қызмет етпесе, оларды ауыстырып тастаған жөн. Өйткені жаңбыр мен қарда олардың қызметі көбейеді. 

Кондиционер мен жылытқышты тексеріңіз. Жылыту жүйесі жақсы жұмыс істесе салон тез жылынады. Егер бұл жерден де проблеманы анықтасаңыз салон сүзгісін ауыстырыңыз, радиаторды тазалаңыз және климаттық бақылау сенсорының дұрыстығын тексеріңіз.

Маусымдық резеңкені өзгерту туралы ұмытпаңыз. Температура 5°C-тан төмен болған кезде ол туралы ойлану керек болады. 

Сонымен қатар, көліктің қаңқасына назар аудару керек. Су жиналатын орындарды құрғатып жүрген абзал. Себебі дәл осы орындар коррозиялық питомниктер болып табылады.

Суық ауа райы мен алғашқы аязға дейін акуммоляторды қуаттау немесе ауыстыру қажет.

Сонымен қатар, қатты жауын-шашын мен төмен температура жүргізушілерге қосымша қауіп төндіреді. Жағымсыз және қауіпті жағдайға тап болмас үшін осы кезеңде дәлелденген және сенімді тежеу жүйесінің болуы маңызды.

Күзгі ауа - райында қалай дұрыс жүру керек?

Күз тек сұлулыққа ғана емес, сонымен қатар автокөлік жүргізушілеріне де қауіп төндіреді. Сондықтан бақылауды жоғалтпау үшін доңғалақтар суға түсу кезінде жол төсеміне жақсы жабысып қалуы үшін шалшықтың алдында баяулау керек.

Сонымен қатар, кешкі уақытта ерекше сақ болу керек. Сағат 18:00-де қараңғы болуы мүмкін және осы сағатта адамдар жұмыстан үйге оралады. Сондықтан көшеде өте күрделі қозғалыс болуы мүмкін. Жаяу жүргіншілердің қауіпсіздігі үшін 50-60 км/сағ жылдамдықты сақтаған дұрыс.

Сапарды бастамас бұрын ауа-райы болжамын тексеру маңызды, бірақ ауа-райының күрт өзгеруіне дайын болыңыз.

Аптаның басты оқиғалары мен пайдалы видеоларды көру үшін YouTube арнамызға жазылыңыз