Көлік үйілген топыраққа соғылды: Алматы облысында жол қызметкерлері жазаланды

9 қарашада Алматы облысындағы Шелек ауылында кәріз желілерін қайта жөндеу учаскесінде жол апаты болды. Мердігер ұйым қажетті ескерту белгілерін орнатпай, жолда топырақ пен үйінді қалдырып кеткен, - деп хабарлайды Massaget.kz тілшісі.

Toyota Camry көлігінің жүргізушісі жол бойындағы топырақ пен үйіндіні байқамай, оған соқтығысып қалған. Оқиға салдарынан зардап шегуші жергілікті ауруханаға жеткізілді.

Фото: Алматы облысының полиция департаменті

Еңбекшіқазақ ауданының полицейлері жұмысқа жауапты қосалқы мердігердің жол жүру бөлігін ескерту белгілерінсіз қалдырып, қауіпсіздік талаптарын бұзғанын анықтады.

Фото: Алматы облысының полиция департаменті

Компанияны қылмыстық жауапкершілікке тарту және айыппұл салу туралы шешім шығарылғаны айтылды.

Instagram парақшамызға жазылып, ең қызықты ақпараттарды бірінші болып оқыңыз!