Көлік тізгінінде ішімдік ішкен блогер жазаланды
![Көлік тізгінінде ішімдік ішкен блогер жазаланды](/userdata/news/news_73081/image_l.jpg)
Желіде қазақстандық блогердің көлік жүргізіп келе жатып ішімдік ішкен видеосы тарады, - деп хабарлайды Massaget.kz тілшісі.
Polisia.kz мәліметінше, бұл дерек бойынша Алматы қаласы ПД түсініктеме берді.
"Дерек әлеуметтік желілерге жүргізілген мониторинг барысында анықталды. Жергілікті полиция қызметі басқармасы тексеру жұмыстарын жүргізді. 1992 жылы туған К. есімді азаматша анықталып, ол видео үш күн бұрын түсірілгенін түсіндірді. Әйел мартини бөтелкесіне су құйып алғанын айтты. Ол ұсталған кезде сау болған", - деді полиция өкілдері.
Блогерге қатысты көлік құралын қауіпсіздік белбеуін тақпай басқарғаны үшін ҚР ӘҚбтК-нің 593-бабы 2-бөлігімен көзделген құқықбұзушылық дерегі бойынша әкімшілік хаттама толтырылғаны хабарланды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Е. Төлеш