Көлігіңізді өрттен сақтау үшін мына кеңестерді біле жүріңіз
![Көлігіңізді өрттен сақтау үшін мына кеңестерді біле жүріңіз](/userdata/news/news_87657/image_l.jpg)
Фото:
astanatv.kz
Елордада өртенген көліктердің көбі шет елдерде жасалған темір тұлпарлар. Мұны Астана қаласының коммуникациялар қызметінде өткен брифингте Төтенше жағдайлар департаменті мемлекеттік өрт бақылау басқармасының бастығы Еркін Отарғалымұлы айтты, - деп хабарлайды Massaget.kz тілшісі astanatv.kz телеарнасына сілтеме жасап.
"Өрттің басым дені шет елдерде құрастырылған автомобильдерде болады. Ұзақ қызмет ету мерзімі де, бәсекелестік ортада техникалық тексерудің сапасыз жүргізілуі де әсер етеді", - деді Еркін Отарғалымұлы.
Сондай-ақ ол мына ережелер мен талаптарды үнемі қаперде ұстауға шақырады:
- көліктегі ақауларды уақытылы жою, электр сымдарды, бак және бензин тұратын жүйелердің техникалық жай-күйін бақылау;
- қосымша жабдықты орнату және қызмет көрсету шараларын тек мамандандырылған орталықтарда жүргізу;
- көлікте өрт сөндіргіш баллондардың болуы;
- салқын күндері қозғалтқышты ашық күйдегі отпен жылытпау.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Алғабек