Қарағанды қаласының екі тұрғыны бүлінген көліктері үшін Қазыбек би ауданы әкімінің аппараты мемлекеттік мекемесімен соттасып, шығынын өтеп алды, - деп хабарлайды Massaget.kz тілшісі Қарағанды қаласы Қазыбек би ауданының №2 аудандық сотының баспасөз қызметіне сілтеме жасап.
Оқиға 2023 жылы 13 маусымда Қарағанды қаласы Мұқанов көшесі, 14/2 үй мекен-жайында орналасқан тұрғын үйдің ауласына болған. Шіріген талдардың сыну салдарынан тұрақта тұрған екі адамның көлігі зақымдалған. Бағалау есебіне сәйкес автокөліктерді қалпына келтіру шығыны 634 779 теңге және 445 292 теңге болған.
Талап қоюшылардың көлігіне ағаштың құлау фактісі Оңтүстік-Шығыс ОПҚ қалалық инспекциясында тіркеліп, фотографиялық кестелермен расталды. Қаланың ТЖД қызметкерінің хабарламасы бойынша автокөлікті басып қалған ағаштардан тазалау үшін шынжырлы ара қолданылған.
Құлаған ағаш мемлекет меншігіндегі жер телімінде өскен және бұл жер телімі аумақтық жағынан Қарағанды қаласы Қазыбек би ауданына қарайды.
Сот құлаған ағаштың өлгені және санитарлық кесуге жататындығы туралы қорытынды жасады.
"Қарағанды қаласы Қазыбек би ауданы әкімінің аппараты» ММ-сі Қарағанды қаласы Қазыбек би ауданы аумағын абаттандыру және санитарлық күтіп-ұстау бойынша жұмыстарды тиісінше ұйымдастыруды, сондай-ақ Ережеге сәйкес кәсіпкерлік субъектілермен жетілдіру саласындағы нормалармен және талаптармен қамтамасыз етпеген. Сот арызданушылардың әрекеттерінен кінәлі немесе өрескел немқұрайлылықты қарастырмады, өйткені автокөліктер үйдің ауласында тұрған, ал талап қоюшылар тұрақ ережелерін бұзбаған, қолданыстағы заңнамада көлікті оқиға орнында қалдыруға тікелей тыйым салынбаған", - делінген баспасөз қызметі таратқан хабарламада.
Сот шешімі заңды күшіне енді.
Аптаның басты оқиғалары мен пайдалы видеоларды көру үшін YouTube арнамызға жазылыңыз