• 500.67
  • 490.7
  • 6.04

“Көлігімен бірге өртеп жіберген“. Алматы облысында кәсіпкер жантүршігерлік жағдайда қаза тапты

“Көлігімен бірге өртеп жіберген“. Алматы облысында кәсіпкер жантүршігерлік жағдайда қаза тапты
Фото: "КТК" телеарнасы

Алматы облысында кәсіпкер серіктесін өлтіріп, көлігімен бірге өртеп жіберген, - деп хабарлайды Massaget.kz тілшісі "КТК" телеарнасына сілтеме жасап.

Жанып кеткен көлік пен ішіндегі мәйіт Қарасай ауданындағы демалыс орны маңынан табылды. Оқиға орнында өртке оранған көліктің бөлшектері ғана қалған. Полицейлер қылмыстық іс қозғап, көп ұзамай 43 жастағы күдіктіні ұстады. Қазір ол уақытша ұстау изоляторында.

"Жедел іздестіру іс-шаралары барысында 43 жастағы күдікті ұсталып, қамауға алынды. Қазір қылмыстың барлық мән-жайын зерттеуге бағытталған тергеу жүргізіліп жатыр", - деді Алматы облысы ПД ресми өкілі.

Мәліметтерге қарағанда, екі ер адам ортақ кәсіптеріне байланысты жанжалдасып қалған. Яғни жүк тасымалдаумен айналысатын серіктестер табыстарын бөлісе алмаса керек. Кейін күдікті серіктесін балғамен ұрып, іле-шала көлігімен қоса өртеп жіберіпті.

Айта кетейік, ер адамның кінәсі дәлелденсе, оған 15 жылға дейін бас бостандығынан айырылу жазасы төніп тұр.

Өзекті жаңалықтарды өз уақытында оқу үшін Facebook парақшамызға жазылыңыз!

Ж. Қадыржанова
Logotype Massaget