Қоқыс тастауға шығып, оралмаған: Солтүстік Қазақстанда 11 жастағы бала жоғалған
![Қоқыс тастауға шығып, оралмаған: Солтүстік Қазақстанда 11 жастағы бала жоғалған](/userdata/news/news_98911/image_l.jpg)
Қазақстанның солтүстігінде полицейлер мен еріктілер 4 сағат бойы 11 жастағы баланы іздеді, - деп хабарлайды Massaget.kz тілшісі Петропавловск.news басылымына сілтеме жасап.
Баланың ата-анасы 7 қаңтарда сағат 19:30 шамасында жасөспірім жоғалып кеткенін хабарлады. Олардың айтуынша, бала қоқыс тастауға шығып, оралмаған.
Іздеу іс-шараларына полиция бөлімшелерінің қызметкерлері қатысты. Сонымен қатар, тәртіп сақшылары аудандық ТЖ бөлімінің қызметкерлерін, педагогтер мен тұрғындарды тартты.
Сағат 24:00 шамасында үйлердің біріндегі кіреберістен бала табылды. Ол дереу үйіне қайтарылды, полицейлер ата-анасымен профилактикалық әңгіме жүргізді.
Солтүстік Қазақстан облысы криминалдық полиция басқармасының мәліметінше, 2023 жылы хабар-ошарсыз кеткен адамдарға қатысты 477 өтініш қабылданған, оның ішінде 475 адамның орналасқан жері анықталған.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова