Көктем келді: қай өңірлерге қауіп төніп тұр?

Қазгидромет Қазақстан өңірлеріндегі су тасқыны бойынша жағдайды талдады, - деп хабарлайды Massaget.kz тілшісі.

Синоптиктердің айтуынша, егер наурызда температура күрт көтеріліп, нөсер жауын жауса, таулы өзендерде су деңгейі көтерілуі мүмкін.

Су басу қаупі жоғары өңірлер:

• Шығыс Қазақстан,
• Абай,
• Қарағанды,
• Ұлытау,
• Ақмола,
• Солтүстік Қазақстан,
• Қостанай,
• Ақтөбе облыстары.

Қауіп орта деңгейдегі өңірлер:

• Алматы,
• Жетісу,
• Жамбыл,
• Батыс Қазақстан,
• Атырау облыстары.

Қауіп төмен өңірлер:

• Павлодар,
• Түркістан,
• Маңғыстау,
• Қызылорда облыстары.

Еске салайық, бұған дейін экология және табиғи ресурстар министрі Ерлан Нысанбаев Үкімет отырысында көктемгі кезеңге арналған ауа райы болжамының жаңа деректерін ұсынды.

Министр наурыз, сәуір әдеттегіден жылы болатынын әрі еліміздің басым бөлігінде жауын-шашын көп жауатынын мәлімдеді. Бұл көктемнің тез келуіне және су тасқыны қаупі артуына ықпал етеді.

Аптаның басты оқиғалары мен пайдалы видеоларды көру үшін YouTube арнамызға жазылыңыз