Көктайғақ, тұман, жауын-шашынға байланысты алты өңірде ескерту жасалды
![Көктайғақ, тұман, жауын-шашынға байланысты алты өңірде ескерту жасалды](/userdata/news/news_77886/image_l.jpg)
Қазақстанның алты өңірінде қолайсыз ауа райына байланысты дауылды ескерту жасалды, - деп хабарлайды Massaget.kz тілшісі.
"Қазгидромет" синоптиктерінің болжамына қарағанда, Алматы облысының таулы аудандарында қатты жауын-шашын (жаңбыр, қар) болады. Облыстың оңтүстігінде және таулы аудандарында тұман түседі. Жел оңтүстік-батыс бағыттан оңтүстік-шығыс бағытқа ауысады, облыстың оңтүстігінде екпіні – 15-20 м/с.
Алматыда түнде және таңертең тұман болады.
Батыс Қазақстан облысының батысында, солтүстік-батысында тұман түседі.
Қызылорда облысының солтүстігінде, орталығында көктайғақ болады, тұман түседі.
Маңғыстау облысының батысында кей уақытта қатты жауын-шашын, жаңбыр, қар жауады. Облыстың солтүстік-батысында, шығысында тұман, көктайғақ болады.
Павлодар облысының батысында тұман түседі.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан