ҚМА Ақмола облысы бойынша департаменті Көкшетау қаласындағы құрылыс жобаларын іске асыру кезінде бюджет қаражатын жымқыру дерегі бойынша тергеп-тексеру жүргізіп жатыр, - деп хабарлайды Massaget.kz тілшісі.
2021 жылы желтоқсанда Көкшетау қаласының құрылыс бөлімі ММ мен "Айдана-ИК" ЖШС арасында әлеуметтік осал топтарға арналған көппәтерлі тұрғын үйлер салу жөнінде 1 млрд теңгеден аса сомаға келісімшарт жасалған.
Мердігер аванс алу үшін азаматтық-құқықтық жауапкершілікті сақтандыру бойынша жалған шарттар ұсынған.
Кейін тапсырыс беруші ЖШС-ға 211 млн теңге көлемінде қаражат аударған. Алайда құрылыс жұмыстары толық көлемде орындалмаған. Салдарынан нысандар пайдалануға берілмеген.
Бюджет қаражаты жеке қажеттілікке, контрагенттермен есеп айырысуға жұмсалған, сондай-ақ, қолма-қол ақшаға айналдырылған. Күдікті қамауға алынды. Тергеп-тексеру жалғасып жатыр.
Instagram парақшамызға жазылып, ең қызықты ақпараттарды бірінші болып оқыңыз!