Kizdar.net сайты арқылы интим қызмет көрсеткен 43 қыз полицияға жеткізілді

Интим қызмет көрсеткен 43 қыз полицияға жеткізілді, - деп хабарлайды Massaget.kz тілшісі Polisia.kz-ке сілтеме жасап. 

Астана қалалық Полиция департаментінің Ұйымдасқан қылмысқа қарсы күрес басқармасының қызметкерлері елордада жезөкшелікпен айналысу үшін үй-жайлар беретіндер мен интим қызмет көрсететіндерді анықтауға бағытталған жедел-профилактикалық іс-шараларды тұрақты негізде жүргізіп жатыр.

Осылайша, операция барысында Kizdar.net сайты арқылы жарияланған сауналар, денеге массаж жасайтын бөлмелер, интим қызмет көрсетілетін пәтерлер тексерілді.

Нәтижесінде 43 қыз полицияға жеткізілді. Жүргізілген іс-шаралардың барысында Әкімшілік құқықбұзушылық туралы кодексінің 450-бабы бойынша 33 әкімшілік хаттамалар толтырылды. Әкімшілік құқықбұзушылық туралы кодексінің 492-бабы бойынша 6, Әкімшілік құқықбұзушылық туралы кодексінің 440-бабы бойынша 6, ҚР Әкімшілік құқықбұзушылық туралы кодексінің 449-бабы бойынша 11 хаттамалар толтырылды. 1 шетелдік Қазақстан Республикасының көші-қон заңнамасын бұзғаны үшін қабылдау пунктіне орналастырылды.

Сондай-ақ, 15 жеңіл мінезді қыз ақшаға жыныстық қызмет көрсеткені үшін есепке алынған. Олармен профилактикалық әңгіме жүргізілді.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!