Мәжіліс депутаты Нартай Сәрсенғалиев Қазақстанда ана мен бала өлімі жиілегенін мәлімдеді, - деп хабарлайды Massaget.kz тілшісі.
Депутат ресми деректі келтірді:
- 2019 жылы Қазақстанда 3360 сәби;
- 2020 жылы 3286 сәби;
- 2021 жылы 3732 сәби шетінеген.
- 2022 жылы 3154 нәресте;
- 2023 жылы 2998 сәби;
- 2024 жылы 2598 сәби шетінеп кеткен.
"Ресми органдар сәби өлімі азайғанын алға тартады. Бірақ кейінгі жылдың өзінде 2 жарым мың бөпеден айырылып қалу көңіл көншітетін көрсеткіш емес. Сорақысы сол: ресми дерекке сүйенсек, 5 облыста сәби өлімі көбейген, олар: Абай, Ақтөбе, Алматы, Жетісу, Ұлытау облыстары", - депутат.
Нартай Аралбайұлының айтуынша, кейінгі 6 жылда Қазақстанда 563 әйел босану кезінде көз жұмған.
"Сорақысы сол - еліміздің 10 облысында ана өлімі көбейген. Ана өлімі ең көп облыстар: Жетісу, Қостанай, Ұлытау және Ақтөбе облыстары. Мұның бәрі - ресми мәлімет. 2024 жылдың қорытындысы бойынша көз жұмған аналардың 54%-ы қалада, 46%-ы ауылда тұратыны белгілі болды. Бір қорқынышты тенденция бар, 4 немесе одан да көп баласы бар әйелдер арасында өлім-жітім көбейген, салдарынан 97 бала тірі жетім болып қалды", - деді депутат.
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова