"Кешірілмейді". Ресейдің соққыларынан кейін әлем елдері не деп жатыр?
!["Кешірілмейді". Ресейдің соққыларынан кейін әлем елдері не деп жатыр?](/userdata/news/news_73083/image_l.jpg)
Кеше Киев орталығында жарылыс болды. 9 қазанға қараған түні Запорожьеге де Ресей әскерінің жаппай зымыран соққысы жасалған еді. Massaget.kz тілшісі осы оқиғалардан кейін әлем әлдері қандай реакция білдіргеніне шолу жасады.
Зеленский Байденмен сөйлесті
Украина президенті Владимир Зеленский АҚШ президенті Джо Байденмен телефон арқылы сөйлесті. Украина президенті әңгіме нәтижелі болғанын айтты.
"Талқылаудың басты тақырыбы әуе қорғанысы болды. Қазір бұл - қорғаныс ынтымақтастығымыздың бірінші міндеті. Америка көшбасшылығы Украина үшін G7-нің қатаң ұстанымы мен БҰҰ Бас Ассамблеясындағы қарарымызды қолдау мәселесінде өте маңызды", - деп жазды Зеленский Instagram-да.
Посмотреть эту публикацию в Instagram
Ресейлік зымыран соққылары "лаңкестіктің" бір түрі - ЕҚЫҰ
Еуропадағы қауіпсіздік және ынтымақтастық ұйымы Украинаның ірі қалаларына жасалған ресейлік зымыран соққыларын халықаралық құқықты бұзатын "лаңкестіктің" бір түрі екенін атады.
"Бұл сұмдық соғыс әрекеттері халықаралық құқыққа, соның ішінде гуманитарлық құқыққа толық бағынбау мен құқықбұзушылықты білдіреді. Бұл қатыгез әрекеттердің бірден-бір себебі - лаңкестіктің таралуы мен осындай және стратегиялық мақсаттарға жетудегі сәтсіздіктердің орнын толтыру", - делінген ЕҚЫҰ басшыларының мәлімдемесінде.
Statement of @OSCE Troika: ??@AnnLinde, ??@RauZbigniew, ??@Bujar_O and @MCederfelt, @HelgaSchmid_SG and @robertomontella on Russia’s attacks against Ukraine’s population.
— Polish OSCE Chairmanship 2022 (@PLinOSCE) October 10, 2022
➡️https://t.co/Xmnlt2b7UP#OSCE2022POL pic.twitter.com/IWSNt9ufjS
БҰҰ Ресейдің жасырын дауыс беруге шақыруын қабылдамады
БҰҰ Бас Ассамблеясы Мәскеудің Украинаның төрт аймағын Ресейдің аннексиялауын айыптайтын қарар жобасы бойынша жасырын дауыс беру туралы үндеуін қабылдамады. 193 мүшенің 107-сі қарар жобасы бойынша жасырын дауыс беруге қарсы дауыс берген. 13 ел Ресейдің ұсынысына дауыс берген, ал 39-ы қалыс қалған.
On Monday, #UNGA resumes its Emergency Special Session on the war in Ukraine.
— United Nations (@UN) October 10, 2022
Watch live: https://t.co/bzqaiEuFTI
ЕО елдері Ресейдің Украина нысандарына жасаған соққыларын айыптады
Еуропа Одағының сыртқы саясат ведомствосы басшысының баспасөз хатшысы Жозеп Боррел Петерсон Ресейдің азаматтық инфрақұрылымға соққылары "халықаралық гуманитарлық құқыққа қайшы келетінін" мәлімдеді.
"Бейбіт тұрғындарға кездейсоқ шабуыл әскери қылмысқа тең", - деді ол.
Боррел Twitter-де Ресейдің әрекетіне "ХХІ ғасырда орын жоғын" жазды, Украинаға қосымша әскери қолдау "жолда" екеніне де уәде берді.
Deeply shocked by Russia’s attacks on civilians in #Kyiv and other cities in Ukraine.
— Josep Borrell Fontelles (@JosepBorrellF) October 10, 2022
Such acts have no place in 21st century. I condemn them in the strongest possible terms.
We stand with Ukraine. Additional military support from the EU is on its way.
Еуропалық комиссияның төрағасы Урсула фон дер Лейен соққылардан "есеңгіреп, шошып кеткенін" айтты.
"Ресей тағы да бүкіл әлемге өзін көрсетті... лаңкестік пен қатыгездік", - деді фон дер Лейен.
Shocked and appalled by the vicious attacks on Ukrainian cities.
— Ursula von der Leyen (@vonderleyen) October 10, 2022
Putin’s Russia has again shown the world what it stands for: brutality and terror.
I know that Ukrainians will stay strong.
We will stand with Ukraine for as long as it takes, with all the means we have. pic.twitter.com/Q9wgh62nzF
АҚШ соққының "қатыгездігін" айыптады
АҚШ президенті Джо Байден соққылар Ресейдің "заңсыз соғысын", "қатыгездігін көрсететінін" мәлімдеді.
"Осы соққылардың салдарынан бейбіт тұрғындар қаза тауып, жарақат алды, азаматтық нысандар жойылды. Біз Ресейді басқыншылығы үшін жазалауды жалғастырамыз", - деді ол.
АҚШ Мемлекеттік хатшысы Энтони Блинкен "Кремльдің жантүршігерлік соққысынан кейін Украинаны қолдайтынын" растады.
I just spoke with @DmytroKuleba to reiterate U.S. support for Ukraine following the Kremlin’s horrific strikes this morning. We will continue to provide unwavering economic, humanitarian, and security assistance so Ukraine can defend itself and take care of its people.
— Secretary Antony Blinken (@SecBlinken) October 10, 2022
Байден Украинаны қолдау үшін G7-мен кездеседі
Ақ үй мәліметінше, АҚШ президенті Джо Байден Украинаны қолдау үшін "Үлкен жетілік" (G7) елдерінің басшыларымен виртуалды кездесу өткізеді. Мәлімдемеде көшбасшылар Ресей президенті Владимир Путинді Мәскеудің Украинадағы әрекеттері, соның ішінде зымыран соққылары үшін жауапкершілікке тарту туралы міндеттемелерін талқылайтыны айтылған.
Ресейлік соққылар "халықтың қоныс аударуына" әкелуі мүмкін - БҰҰ
БҰҰ-ның босқындар жөніндегі жоғарғы комиссары Филиппо Гранди Украинаның бірқатар ірі қаласына ресейлік соққылар жасалғаннан кейін халық үйлерін тастап кетуге мәжбүр болуы мүмкін деп ескертті.
"Бүгін Украинада болған оқиға сұмдығы... кешірілмейді. Бейбіт тұрғындарды, үйлерді бомбалау.... соғыстың бейбіт тұрғындар үшін одан әрі қиындай түсетінін білдіреді", - деді Грунди.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова