«Кепіл беремін» бағдарламасына қолдау білдірген сайтқа хакерлік шабуыл жасалды
Фото:
nktphotonics.com
Белгілі кәсіпкер Марғұлан Сейсембаевтың «Кепіл беремін» бағдарламасына ақпараттық қолдау білдірген «ratel.kz» сайтына хакерлік шабуыл жасалды. Бұл туралы кәсіпкердің өзі «facebook» желісіндегі жеке парақшасында хабарлады.
- Достар, біздің әріптесіміз «Ratel» интернет басылымына хакерлік шабуыл жасалды. Қаскөйлардың қарсы шабуылына бірге жауап берейік. Сайт мына сілтемедегі мекенжай бойынша қызметін жалғастырады. Әріптестерімізге қолдау білдірейік. Қаскөйлерге ынтымағымыз берік екенін танытайық, - деп жазды Марғұлан Сейсембаев.
Айта кетейік, осыған дейін Марғұлан Сейсембаев «Кепіл беремін» бағдарламасы аясында жұмыстарын бастап кеткенін хабарлаған болатын.
О. Сансызбай