Ұзақ жылдар бойы отырықшы өмір салтын ұстанатын қызметкерлер әдетте екіге бөлінеді. Біріншісі, өз өмірін қолға алып, денсаулығына көңіл бөлуді бастайды, тамақтануды бақылайды, спортпен айналысатындар. Екіншісі, ешнәрсені өзгертуге тырыспайтындар, олар дұрыс тамақтанбайды, алкогольді тым көп ішеді, ал бұл артық салмақ, гастрит, 2 типті қант диабетінің дамуына әкеп соқтырады. Бұл туралы диетолог Марина Макиша айтты, - деп хабарлайды Massaget.kz тілшісі.
Ер адамдарда
10 жыл бойы жалғасқан отырықшы өмір салты ер адамның денсаулығына әсер етпей қоймайды, салдарынан простатит пен қозулық әрекетсіздік пайда болады.
"Мұндай науқастар көбінесе жарнамадан көрген диеталық қоспалардан ем іздейді, дәрігерлерге барады, барлық анализді тапсыру мен ауыр процедураларға көп ақша жұмсайды. Олардың көпшілігі спортпен шұғылданып, тамақтану режимін орнатуы керек, ал екі айдан кейін олар проблемасын ұмытып кетеді", - деп түсіндіреді уролог-хирург, Еуропалық урологтар қауымдастығының мүшесі Максим Рябов.
Әйелдерде
Әйелдер үшін мәселе одан да өткір, өйткені оларда әсіресе босанғаннан және декреттік демалыстан кейін қанның тоқырау қаупі әлдеқайда жоғары.
"Алғашқы белгілер - іштің төменгі бөлігіндегі шаншу және ыңғайсыздық - әйелдер әдетте назар аудармайды. Жағдай баяу дамиды, уақыт өте келе симптомдар күшейе түседі - ауырсыну төменгі арқаға түсе бастайды, бала көтеру процесі күрделене түседі, ал кейбір жағдайларда бұл тіпті бедеулікке әкеп соқтыруы мүмкін", - деп қосты Максим Рябов.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Б. Жұмаділлә