"ҚазАвтоЖол" ұлттық компаниясы ертең, 15 қазанда елдің кей өңіріндегі қолайсыз ауа райына байланысты жүргізушілерге ескерту жасады, – деп хабарлайды Massaget.kz тілшісі.
Компанияның мәліметінше, ертең Абай, Ұлытау, Қарағанды, Ақтөбе, Павлодар және Шығыс Қазақстан облыстарында дымқыл қар мен жаңбыр аралас қар жаууы мүмкін.
Шымкентте, Алматы және Жамбыл облыстарында жаңбыр жаууы мүмкін.
"Сол себепті жүргізушілерге қауіпсіздік ережесін қатаң сақтап, жолдардағы ауа райының қолайсыздығын ескерулеріңізді сұраймыз. 1403 байланыс орталығына хабарласып, тәулік бойы қосымша ақпарат алуға болады", – деп хабарлады "ҚазАвтоЖол".
Өзекті жаңалықтарды өз уақытында оқу үшін Facebook парақшамызға жазылыңыз!