“ҚазАвтоЖол“ бірнеше өңірдегі көлік жүргізушілеріне ескерту жасады

Фото: "ҚазАвтоЖол"

23 қазан 2024, 18:07

"ҚазАвтоЖол" ұлттық компаниясы республикалық автожолдардағы ауа райы туралы мәліметті жариялады, - деп хабарлайды Massaget.kz тілшісі.

2024 жылғы 24 қазанда Алматы, Ақмола, Ақтөбе, Жетісу, Павлодар, СҚО, Қарағанды, Қызылорда және Қостанай облыстарының кей жерлерінде жаңбыр жауады.

Ал Абай және Шығыс Қазақстан облысының кей жерлерінде қар аралас жаңбыр жаууы мүмкін.

"Сол себепті жүргізушілерге қауіпсіздік ережелерін қатаң сақтап, жолдардағы ауа райының қолайсыздығын ескерулеріңізді сұраймыз. 1403 байланыс орталығына хабарласып, тәулік бойы қосымша ақпарат алуға болады", - делінген хабарламада.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

М. Лұқпан