Қазақстанның Испания Корольдігіндегі, Оңтүстік Африка Республикасындағы және Норвегия Корольдігіндегі елшілері тағайындалды, - деп хабарлайды Massaget.kz тілшісі Ақордаға сілтеме жасап.
Мемлекет басшысының жарлықтарымен:
Данат Мұсаев Қазақстан Республикасының Испания Корольдігіндегі Төтенше және Өкілетті елшісі лауазымына тағайындалды;
Еркін Ахинжанов Қазақстан Республикасының Оңтүстік Африка Республикасындағы Төтенше және Өкілетті елшісі болып тағайындалды, ол Қазақстан Республикасының Норвегия Корольдігіндегі Төтенше және Өкілетті елшісі лауазымынан босатылды;
Әділ Тұрсынов Қазақстан Республикасының Норвегия Корольдігіндегі Төтенше және Өкілетті елшісі болып тағайындалды, ол Қазақстан Республикасы Сыртқы істер министрінің орынбасары лауазымынан босатылды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!