Қазақстанның екі өңірінде су тасқынына байланысты жолдар жабылды
![Қазақстанның екі өңірінде су тасқынына байланысты жолдар жабылды](/userdata/news/news_105908/image_l.jpg)
"ҚазАвтоЖол" компаниясының баспасөз қызметі Қазақстанның екі өңірінде су тасқынына байланысты жолдар жабылғанын хабарлады.
Көлік қозғалысы Қостанай және Солтүстік Қазақстан облыстарында шектелді.
Қостанай облысы
2024 жылғы 23 сәуірде сағат 18:15-те еріген қар суының салдарынан "Екатеринбург-Алматы" автомобиль жолының 686-729 шақырымының (Сарыкөл ауылы - СҚО шекарасы учаскесі) жүру бөлігін су алуына байланысты көліктің барлық түрінің қозғалысына шектеу қойылды.
Солтүстік Қазақстан облысы
2024 жылғы 23 сәуірде сағат 18:15-те Қостанай облысынан еріген қар суының өтуіне байланысты "Екатеринбург-Алматы" автомобиль жолының 729-768 шақырымы аралығында (Қостанай облысының шекарасы - Тоқсан би ауылының учаскесі) көліктің барлық түрінің қозғалысына шектеу қойылды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан