Қазақстанның екі өңірінде жол жабылды

Қазақстанның екі өңіріндегі жолдарда көлік қозғалысы шектелді, - деп хабарлайды Massaget.kz тілшісі "ҚазАвтоЖол" ұлттық компаниясы" АҚ баспасөз қызметіне сілтеме жасап.

8 қаңтар сағат 20:00-де Жамбыл облысында ауа райының бұзылуына байланысты Алматы - Ташкент - Термез автожолының (Жаңа Қордай асуы) 159-238 шақырым аралығындағы учаскеде (Отар ауылы - Қайнар ауылы) көліктің барлық түрінің қозғалысына шектеу қойылды. 9 қаңтар сағат 10:00-де жолды ашу жоспарланып отыр. Қозғалыс ескі Қордай асуы арқылы жүзеге асырылатын болады. 

8 қаңтар сағат 21:00-де Жетісу облысында ауа райының бұзылуына байланысты Алматы - Өскемен автожолының 276-325 шақырым аралығындағы учаскесінде (Талдықорған қаласынан Қызылағаш ауылына дейін) көліктің барлық түрінің қозғалысына шектеу қойылады. Жолды 2025 жылғы 9 қаңтар сағат 01:00-де ашу жоспарланған.

Instagram парақшамызға жазылып, ең қызықты ақпараттарды бірінші болып оқыңыз!