Қазақстанның екі өңірінде ауа райына байланысты жолдар жабылды

Жамбыл және Түркістан облыстарында қолайсыз ауа райына байланысты республикалық маңызы бар жолдарда көлік қозғалысына шектеу енгізілді, - деп хабарлайды Massaget.kz тілшісі.

Ауа райының бұзылуына байланысты келесі республикалық автожолдарда көлік қозғалысына шектеу қою жоспарланып отыр:

Жамбыл облысы:

• 2024 жылғы 13 қарашада сағат 17:00-де республикалық маңызы бар "Алматы-Ташкент-Термез" автожолының 535-593-шақырым аралығында (Айша бибі ауылынан Түркістан облысының шекарасына дейін) жүк көліктерінің қозғалысына.

Түркістан облысы: 

• 2024 жылғы 13 қарашада сағат 17:00-де республикалық маңызы бар "Алматы-Ташкент-Термез" автожолының 593-620-шақырым аралығында (Жамбыл облысының шекарасынан Тұрар Рысқұлов ауылына дейін) жүк көліктерінің қозғалысына.

Жолды 2024 жылғы 13 қараша сағат 23:00-де ашу жоспарланған.

1403 байланыс орталығына хабарласып, тәулік бойы қосымша ақпарат алуға болады.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!