Қазақстанның бірнеше өңірінде оқушылар қашықтан оқиды

Қазақстанның 7 өңірінде ЖРВИ салдарынан 132 мектепте 1469 сынып қашықтан оқуға ауыстырылды, - деп хабарлайды Massaget.kz тілшісі.

Астанада өткен баспасөз мәслихатында Бас санитария дәрігері Сархат Бейсенова мән-жайды айтты. Оның сөзінше, мына өңірлердегі сыныптар қашықтан оқуға ауыстырылды:

• Астана - 24 мектеп, 182 сынып;
• Абай облысы - 21 мектеп, 276 сынып;
• Шығыс Қазақстан облысы - 57 мектеп, 204 сынып;
• Жамбыл облысы - 14 мектеп, 598 сынып;
• Қостанай облысы - 12 мектеп, 168 сынып;
• Ақмола облысы - 3 мектеп, 21 сынып;
• Қарағанды облысы - 1 мектеп, 20 сынып.

Еске салайық, бұған дейін денсаулық сақтау министрі Ақмарал Әлназарова Үкімет отырысында ЖРВИ және тұмау бойынша эпидемиологиялық ахуал туралы баяндады. 

Өзекті жаңалықтарды өз уақытында оқу үшін Facebook парақшамызға жазылыңыз!