Қазақстанның бірнеше өңірінде жел соғып, нөсер жаңбыр жауады
![Қазақстанның бірнеше өңірінде жел соғып, нөсер жаңбыр жауады](/userdata/news/news_80197/image_l.jpg)
"Қазгидромет" ертең, 21 наурызда қолайсыз ауа райына байланысты республиканың бірнеше өңірінде ескерту жасады, - деп хабарлайды Massaget.kz тілшісі.
Синоптиктердің болжамынша, Батыс Қазақстан облысының солтүстігінде, солтүстік-батыста тұман түседі.
Қызылорда облысында жел солтүстік-шығыстан соғады, облыстың орталығында, шығысында екпіні 15-20 м/с-ке дейін жетеді.
Қостанай облысының оңтүстігінде тұман түседі. Ауа температурасы күндіз облыстың оңтүстігінде 2-7 градус жылы болады.
Түркістан облысының тауларында түнде нөсер жаңбыр, таулы және тау бөктерлі аудандарында найзағай ойнайды. Шығыстан жел соғады, облыстың солтүстігінде, таулы аудандарында күші - 15-20, екпіні - 23 м/с.
Шымкентте 21 наурызда түннің бірінші жартысында найзағай ойнайды.
Сонымен бірге 20 наурыздың сағат 21:00-ден 21 наурыздың сағат 21:00-ге дейін Семей қаласы бойынша, күтіліп отырған қолайсыз метеорологиялық жағдайларға байланысты, ҚМЖ туралы екінші дәрежелі ескертуі жарияланды.
20 наурыздың сағат 21:00-ден 21 наурыздың сағат 21:00-ге дейін Өскемен, Риддер қалалары бойынша, күтіліп отырған қолайсыз метеорологиялық жағдайларға байланысты, ҚМЖ туралы екінші дәрежелі ескертуі жарияланды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан