Қазақстанның бірнеше өңірінде ауа райына байланысты ескерту жасалды
![Қазақстанның бірнеше өңірінде ауа райына байланысты ескерту жасалды](/userdata/news/news_102826/image_l.jpg)
Синоптиктер Қазақстанның төрт қала тұрғындарын бүгін болатын қолайсыз метеорологиялық жағдай туралы ескертті, - деп хабарлайды Massaget.kz тілшісі "Қазгидромет" РМК-ға сілтеме жасап.
"9 наурызда Ақтөбе, Алматы, Орал және түнде Астана қалаларында ауаның ластануы бойынша қолайсыз метеорологиялық жағдай болады", - делінген мамандардың хабарламасында.
Қолайсыз ауа райы - атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тымық, екпіні аз жел, тұман, инверсия) жиынтығы. Олар ауаның жер қабатында зиянды ластаушы заттардың жиналуына ықпал етеді.
Қазақстандағы ауа райы болжамына келетін болсақ, синоптиктердің болжауынша, оңтүстікте жаңбыр мен қар түрінде жауын-шашын болады.
"Орталықта жауын-шашын, желдің күшеюі және ауа температурасының жоғарылауы күтіледі, тек республиканың оңтүстік-шығысында антициклон сілкінісінің әсерінен жауын-шашын болмайды. Республика бойынша тұман, көктайғақ күтіледі", - деп хабарлады синоптиктер.
Таңертең және күндіз Түркістан облысының тау асуларында секундына 30 метр және одан да көп жел соғады.
Өзекті жаңалықтарды өз уақытында оқу үшін Facebook парақшамызға жазылыңыз!
С. Бөлек