Қазақстанның 6 өңірінде ауа райына байланысты ескерту жарияланды
![Қазақстанның 6 өңірінде ауа райына байланысты ескерту жарияланды](/userdata/news/news_70895/image_l.jpg)
Қазақстанның алты өңірінде ауа райының қолайсыздығына байланысты ескерту жарияланды, - деп хабарлайды Мassaget.kz "Қазгидромет" РМК орталығына сілтеме жасап.
Синоптиктердің мәліметінше, 23 тамызда елдің алты өңірінде қатты жел соғып, төтенше өрт қаупі күтіледі.
Солтүстік Қазақстан облысының батысында, солтүстігінде, Петропавл қаласынд түнде және таңертең тұман күтіледі.
Түркістан облысының солтүстігінде, таулы аудандарында солтүстік-шығыстан жел соғады, күші 15-20, екпіні 23 м/с-қа жетпек. Облыстың оңтүстігінде, шығысында төтенше өрт қауіпі сақталады.
Батыс Қазақстан облысының оңтүстік-батысында шығыстан, солтүстік-шығыстан жел соғады, екпіні 15-20 м/с.
Жетісу облысының солтүстік-шығысында солтүстік-шығыстан жел соғады, күші 15-20, екпіні 25 м/с.
Қызылорда облысының орталығында жел солтүстіктен, солтүстік-шығыстан соғады, күндіз күші 15-20 м/с-қа дейін жетеді. Облыстың басым бөлігінде және Қызылорда қаласында төтенше өрт қаупі сақталады.
Ақтөбе облысының орталығында, шығысында солтүстік-шығыстан, солтүстіктен жел соғады, екпіні 15 м/с-қа дейін жетеді.
Г. Досымшалова