Қазақстанның 5 қаласында қолайсыз мереорологиялық жағдай қалыптасып, ауа шамадан тыс ластануы мүмкін, - деп хабарлайды Massaget.kz тілшісі.
Синоптиктер ауа сапасының нашарлауына баяу жел мен тұман әсер ететін айтады. Бұл қысқамерзімді метеорологиялық жағдай.
"2025 жылғы 5 қаңтарда ауаның ластануының қолайсыз метеорологиялық жағдайлары Алматы, Астана, Балқаш, Павлодар, Өскемен қалаларында күтіледі", - делінген "Қазгидромет" хабарламасында.
Мамандар ауа сапасы нашарлаған жағдайда тұрғындарға далада ұзақ уақыт жүрмеуге, автокөліктердің жанында ұзақ уақыт тұрмауға, өкпе, жүрек-қан тамырлары және аллергиялық аурулармен ауыратын адамдарға дәрі-дәрмектерді өзімен бірге алып жүруге, далада спортпен шұғылданбауға кеңес береді.
Өзекті жаңалықтарды өз уақытында оқу үшін Facebook парақшамызға жазылыңыз!