Қазақстанның 3 облысында қарлы боран салдарынан жолдар жабылды

Қарлы боран салдарынан үш облыста жол учаскелері жабылды. Астанадан Павлодар облысының шекарасына дейін және Теміртаудан Қарағандыға дейінгі жолдар жабылды, - деп хабарлайды Massaget.kz тілшісі.

QazAvtoJol баспасөз қызметінің мәліметінше, Астанадан екі облыс арқылы өтетін бір тасжолдың екі бөлігі жабылған:

• Астана - Ерейментау - Шідерті 16-200 шақырым, Астанадан Павлодар облысының шекарасына дейінгі учаске;
• Астана - Ерейментау - Шідерті 200-254 шақырым, Ақмола облысының шекарасынан Шідерті ауылына дейінгі учаске.

Сонымен қатар, сағат 13:30-да ауа райының нашарлауына, боранға, жолдың дұрыс көрінбеуіне байланысты Қарағанды ​​және Павлодар облыстарында көліктің барлық түрі үшін келесі учаскелерде қозғалысқа шектеу енгізілді:

• Қызылорда - Павлодар 967-1135 шақырым, Молодежный ауылынан Павлодар облысының шекарасына дейін;
• Екатеринбург - Алматы шақырымдары 1446-1457, Теміртаудан Қарағандыға дейін;
• Қызылорда - Павлодар 1135-1206 шақырымдар, Қарағанды ​​облысының шекарасынан Шідерті ауылына дейін.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!