Қазақстаннан айына 4-5 миллиард доллар шығарылғанын білемін - экс-сенатор
![Қазақстаннан айына 4-5 миллиард доллар шығарылғанын білемін - экс-сенатор](/userdata/news/news_69889/image_l.jpg)
Қазақстан заңсыз шығарылған капиталды халықаралық соттардағы талап-арыздар арқылы қайтаруы керек. Мұндай пікірді Atameken Business телеарнасында экс-сенатор Уәлихан Қайсаров пен тәуелсіз қаржы талдаушы Андрей Чеботарев айтты, - деп хабарлайды Massaget.kz.
Активті қайтару науқанының тиімділігіне (Бас прокуратура мәліметі бойынша, 230 миллирад теңге қайтарылған) пікір білдірген қос спикер де бұл үдеріс тез болмайтынын айтты. Қазақстан талабы халықаралық сотта қаралған жағдайда жеке активті қайтару 5 жылдан 7 жылға дейін созылуы мүмкін.
Экс-сенатордың айтуынша, қазір капиталды қайтару ерікті-міндетті түрде жүріп жатыр.
Ж. Қадыржанова"Бұл жерде мәселе күрделірек. Осыдан үш-төрт жыл бұрын тәуелсіздік жылдарында Қазақстаннан 500 миллиард доллар шығарылған деген есеп бар. Мен сенатор болған кезімде де Қазақстаннан айына 4-5 миллиард доллар шығарылғанын білемін. 500 миллиард доллар деген көрсеткіш шындыққа жақын болуы мүмкін.
Бірақ бұл жерде маңызды мәселені ескеруіміз керек. Иә, Бас прокуратура бұл активтерді қайтаруды сұрай алады. Бірақ демократиялық елдерде, әсіресе, АҚШ пен Еуропада ақша олай оңай қайтарылмайды. Олар соттың, қазақстандық соттың заңды шешімі болған жағдайда ғана қайтарылады. Шешімді бұл елдер заңды шешім ретінде қабылдайды", - деді Уәлихан Қайсаров.