Балқаш өңіріне Нидерландыдан екі жолбарыс әкелінді, - деп хабарлайды Massaget.kz тілшісі "Вечерняя Караганда" басылымына сілтеме жасап.
Жыртқыштардың бұл түрі суық ауа райына шыдамды болып келеді.
"Тұран жолбарыстарының популяциясын қалпына келтіру үшін Нидерландыдан ұрғашы және еркек жолбарыс әкелінді. Қазақстанда олар Іле-Балқаш резерватына орналастырылды. Олар - суық ауа райында өмір сүруге бейімделген Амур жолбарыстары", - деп жазылған хабарламада.
Еске салайық, бұған дейін де Қазақстан Тұран жолбарысы популяциясын қалпына келтіру үшін Нидерланды мен Ресейден жолбарыс алатыны хабарланды. Бұл туралы Экология және табиғи ресурстар министрі Ерлан Нысанбаев мәлімдеді.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!