Қазақстанда 2025 жылғы қаңтар-ақпан айларында такси қызметіне сұраныс рекорд көрсеткішке жетті. Бұл кезеңде такси арқылы 20,6 миллион жолаушы қатынаған, бұл былтырмен салыстырғанда 2,4 есе көп, - деп хабарлайды Massaget.kz тілшісі DataHub деректеріне сүйене отырып.
Қаңтар және ақпан такси қызметі үшін ерекше табысты ай болған, әр айда шамамен 10 миллион жолаушы тасымалданған. Мұндай тренд 2024 жылдың аяғынан бері сақталып келеді. Ол кезде ай сайынғы тасымал көлемі 7 миллионнан асып түскен болатын.
Әдетте такси қызметіне сұраныс маусымдық өзгерістерге байланысты болады: ең жоғары көрсеткіш желтоқсанда тіркеліп, қаңтарда төмендейді. Алайда графикте мұндай тұрақты маусымдық өзгерістер байқалмайтыны көрінеді.
Такси арқылы қатынаған жолаушылар саны арнайы формула бойынша есептеледі. Бұл формула бір адам осы кезең ішінде бірнеше рет такси қызметін пайдалануы мүмкін екенін ескереді.
Дегенмен нақты сапар санын анықтау қиын, себебі қазір таксиде жолаушыларды есептейтін арнайы құрылғылар орнатылмаған.
Instagram парақшамызға жазылып, ең қызықты ақпараттарды бірінші болып оқыңыз!
Ж. Қадыржанова