Қазақстандықтар ресейлік “Орешник“ зымыранын көргені туралы фейк тарады

Telegram арналарының бірінде Сәтбаев қаласының тұрғындары ресейлік "Орешник" баллистикалық зымыраны ұшырылғанын көргені туралы ақпарат тарады, - деп хабарлайды Massaget.kz тілшісі stopfake.kz-ке сілтеме жасап.

Мәліметке сүйенсек, оқиға 21 қарашада болғаны айтылады. Дегенмен бұл - жалған ақпарат.

Қазақстан тұрғындары ресейлік "Союз-2.1а" зымыранын көрген болуы мүмкін. 21 қарашада Байқоңыр ғарыш айлағынан ұшырылған зымыран бортында "Прогресс МС-29" жүк кемесі бар. Бұл туралы Ресейдің "РИА Новости" ақпараттық агенттігі хабарлады.

"Байқоңыр ғарыш айлағынан "Прогресс МС-29" жүк кемесі бар "Союз-2.1а" зымыраны ұшырылды. Ол кемені төмен жер орбитасына шығарды. Халықаралық ғарыш станциясына екі күнде жетеді, ХҒС ресейлік сегментінің "Іздеу" модуліне 23 қарашада Мәскеу уақытымен сағат 17:36-да қонады деп жоспарланған", - деп хабарлады РИА Новости агенттігі.

Аптаның басты оқиғалары мен пайдалы видеоларды көру үшін YouTube арнамызға жазылыңыз