2022 жылдың 1 қазанынан бастап барлық қаржы институты, соның ішінде ломбардтар мен онлайн шағын қаржы ұйымдары берілген несиелер туралы ақпаратты күнделікті ұсынуға міндетті болады. Қаржы нарығын реттеу және дамыту агенттігі бұл шаралар кірісінің 50 пайызын несиені өтеуге беріп отырған қазақстандықтардың жаңа несие алуға өтініш бере алмауы және осылайша, қарыз ауыртпалығын күшейтпеу үшін жасалып жатқанын түсіндірді. "Бірінші кредиттік бюросы" ЖШС мәліметі бойынша, 1,8 миллион адам кем дегенде бір несиесі бойынша кемінде бір күн төлеу мерзімін кешіктіріп отыр. Tengrinews.kz журналисі Әйгерім Әбілмәжитова Бірінші кредиттік бюросымен бірлесіп, қанша қазақстандық банктер мен қаржы ұйымдарына қанша қарыз екенін анықтауды ұсынды.
Автонесие көлемі - 1,35 триллион теңге. 2021 жылмен салыстырғанда 54,7 пайызға немесе 476,4 миллиард теңгеге өскен.
Бюро несиелік тарихты жаңарту 15 күн ішінде жүзеге асырылатынын атап өтті. 12 қыркүйектен бастап қазақстандық банктер мен басқа да қаржы ұйымдары ақпаратты әр 10 күн сайын жаңартып отырады. 1 қазаннан бастап мәліметтер Бірінші кредиттік бюроға күн сайын жіберіледі.
Бірінші кредиттік бюро мәліметі бойынша, несие тарихында қаржылық және қаржылық емес ұйымдардағы, банктер мен ШҚҰ-дан бастап, тауарларды бөліп төлеуге беретін қаржылық емес компанияларға және табиғи монополия субъектілеріне дейінгі кез келген несиелер көрсетіледі. ЖШС 2017 жылдан бастап ломбардтар да бюроға қарыздар туралы ақпаратты беріп жатқанын атап өтті.