Қазақстандықтар Бишімбаевтың сотын онлайн көре алады
![Қазақстандықтар Бишімбаевтың сотын онлайн көре алады](/userdata/news/news_103935/image_l.jpg)
Қазақстан азаматтары азаматтық некедегі әйелін өлтірді деп айыпталған бұрынғы ұлттық экономика министрі Қуандық Бишімбаевтың сотын онлайн көре алады, - деп хабарлайды Massaget.kz тілшісі.
Бұл туралы Жоғары соттың баспасөз қызметі хабарлады.
"Қуандық Бишімбаевқа қатысты сот процесіне қоғамның жоғары қызығушылығын ескере отырып, осы іс бойынша ашық сот отырыстарының онлайн-трансляциясын ұйымдастыру туралы шешім қабылданды", - делінген хабарламада.
Ведомствоның хабарлауынша, ашық режимдегі сот отырыстары алқабилерді іріктеуден кейін өтеді.
"Жоғары соттың ресми Telegram-арнаға жазылыңыздар және әлеуметтік желілердегі ресми аккаунттарына хабарламаларды қарап отырыңыздар", - делінген хабарламада.
Қызықты жаңалықтар мен видеоларды көру үшін TikTok арнамызға жазылыңыз!
М. Лұқпан