Алматыда сотталған вайнер Мейіржан Төребаевтың жазасын жеңілдету туралы өтінішті қарау бойынша сот процесі жүріп жатыр, - деп хабарлайды Massaget.kz тілшісі.
Түрксіб аудандық сотының отырысында Алматыдағы колония өкілі 3 желтоқсанда сотталушы Мейіржан Төребаев жұмыс орнында тексеру кезінде 15 минутқа кешігіп келгені үшін ескерту алғанын хабарлады.
Cонымен бірге Төребаевтың екі мақтау қағазымен және үш грамотамен марапатталғаны белгілі болды.
Сотталушының адвокаты Жанна Оразбақова өткен сот отырысында Төребаевқа қатысты тәртіптік іс қозғалмағанын айтты.
"Алдыңғы сот отырысында мекеме өкілі Төребаевтың 15 минутқа кешігіп барғанын, бірақ оған қатысты ешқандай тәртіптік іс қозғалмағанын және ескерту жасалмағанын хабарлады. Бізді ешкім хабардар еткен жоқ, бізді онымен ешкім таныстырған жоқ және бізге қол қою арқылы тапсырған жоқ. Тіпті Төребаев бұл жаза туралы сот отырысы барысында ғана білді", - деді Оразбақова.
Бұған дейін қаржы пирамидасына қатысы болған Шерниязов пен Төребаев бостандыққа шығуы мүмкін екені айтылған еді.
Сотталған вайнерлер Мейіржан Төребаев пен Мейірхан Шерниязов өздеріне тағайындалған жазаны жеңілдетуді сұрады.
Олар сотқа тиісті өтініштерін тапсырған.
Алматы қалалық сотының баспасөз қызметінің мәліметінше, материалдар шынымен аудандық сотқа қарауға жіберілген.
Еске салайық, 2023 жылдың маусымында Төребаев пен Шерниязов қаржы (инвестициялық) пирамидасын құру және басқару бойынша кінәлі деп танылған болатын.
Олардың әрқайсы бес жылға бас бостандығынан айырылған. Бұл іс бойынша қалған айыпталушылар 8 жылдан 14 жылға дейінгі мерзімге сотталды.
Қазан айының соңында сотталған вайнерлер Мейіржан Төребаев пен Мейірхан Шерниязов Павлодар колониясынан тұрғылықты мекенжайы бойынша Алматыға этаппен жеткізілгені белгілі болды.
ҚАЖК бұл жағдайды Алматы қаласындағы мекемедегі ұсталатын адамдар лимитінің ұлғаюымен түсіндірді. Желтоқсан айының басында ҚАЖК сотталған вайнерлер Мейіржан Төребаев пен Мейірхан Шерниязовтың жұмысқа орналасқаны туралы хабарлады.
Instagram парақшамызға жазылып, ең қызықты ақпараттарды бірінші болып оқыңыз!