Қазақстандық теннисші Australian Open алғашқы айналымында-ақ жеңілді, - деп хабарлайды Massaget.kz тілшісі.
Александр Шевченко Australian Open 2025 турнирінің жекелей сынындағы өнерін аяқтады.
Ол испаниялық теннисші, әлемнің үшінші ракеткасы Карлос Алькараспен шеберлік байқасты.
Қазақстандық спортшы қарсыласынан 1:6, 5:7, 1:6 есебімен ұтылып қалды.
Айта кетейік, Қазақстанның бірінші, әлемнің 6-ракеткасы Елена Рыбакина алғашқы айналымда осы "Үлкен дулыға" турниріне арнайы шақырту алған 16 жастағы аустралиялық, рейтингіде 371-орында тұрған Эмерсон Джонспен сынға түседі. Бұл олардың өзара бірінші кездесуі болмақ.
Әлемнің 25-ракеткасы Юлия Путинцеваға рейтингіде 44-сатыдағы армениялық Элина Аванесян қарсылас атанды.
Қазақстанның ерлер арасында бірінші, әлемнің 33-ракеткасы Александр Бублик рейтингіде өзінен екі саты жоғары тұрған аргентиналық Франсиско Серундоломен ойнайды. Бұл екеуінің бұрын бір-бірімен жолдары тоқайласпаған.
Аптаның басты оқиғалары мен пайдалы видеоларды көру үшін YouTube арнамызға жазылыңыз