Қазақстандық шахматшылар 2024 жылы 160 алтын медаль жеңіп алды, бұл жаңа рекорд болды, - деп хабарлайды Massaget.kz тілшісі.
Қазақстан шахмат федерациясы 2024 жылды қорытындылады. Федерацияның мәліметінше, қазақстандық шахматшылар Халықаралық шахмат федерациясы (FIDE) мен Азия шахмат федерациясы (ACF) қолдауымен өткен ресми халықаралық турнирлерде 55 алтын, 54 күміс және 51 қола медаль жеңіп алды. Бұл тізімде юниорлар (7 жастан бастап қоса алғанда 20 жасқа дейінгілер), ересектер, сеньорлар (50 жастан асқан) және әуесқойлар (рейтингі 2300 Эло тармағынан жоғары еместер) да бар.
Әйелдер құрамасының шахмат олимпиадасындағы күміс жүлдесі - жылдың тарихи жетістігі.
Бибісара Асаубаева, Меруерт Қамалиденова, Ксения Балабаева, Алуа Нұрман мен Әмина Қайырбекова қос гроссмейстер Павел Коцур (капитан) мен Александр Моисеенконың (жаттықтырушы) жетекшілігімен Будапештегі сайыста шахмат сүйер қауымды дүр сілкіндірген тамаша жеңіске жетіп, чемпион атағына ие Үндістан командасын ғана алға жіберді.
Қызықты жаңалықтар мен видеоларды көру үшін TikTok арнамызға жазылыңыз!