Халықаралық каратэ федерациясы (WKF) жаңартылған рейтингін жариялады. Тізімде қазақ қызы Мөлдір Жаңбырбай 50 келіге дейінгі салмақта көш басына шықты, - деп хабарлайды massaget.kz сайты.
🥉Мөлдір жуырда ғана Парижде өткен халықаралық рейтингтік лигада қола медаль еншілеген болатын. Бұл нәтиже оның рейтингте бірінші орынға көтерілуіне мүмкіндік берді.
1️⃣ Мөлдір Жаңбырбай (Қазақстан) - 5490 ұпай
2️⃣ Иоргелис Салазар (Венесуела) - 5350
3️⃣ Эма Сгарделли (Хорватия) - 3312
Айта кетейік, Мөлдір Жаңбырбай - каратэден әлем чемпионы атанған тұңғыш қазақ қызы (2023 жыл). Ол сондай-ақ 2021 жылғы Азия чемпионатының алтын, 2023 жылғы күміс жүлдегері. Ханчжоудағы Азия ойындарында екінші орын алды.
О. Сансызбай