Қазақстандық хоккейші қыздар екінші ойында да ірі есеппен жеңіске жетті

Шайбалы хоккейден Қазақстан қыздар құрамасы Латвияның Рига қаласында өтіп жатқан жасөспірімдер арасындағы әлем чемпионатында екінші жеңісіне қол жеткізді, - деп хабарлайды massaget.kz ҚР ҰОК ресми сайтына сілтеме жасап. 

Қазақстан құрамасы топтағы екінші ойында Тайбэймен кездесті. Нәтижесінде отандастарымыз 6:0 есебімен жеңіске жетті. 

Тайбэй - Қазақстан 0:6 (0:4, 0:1, 0:1)

0:1 - 00:23 - Зубкова
0:2 - 12:31 - Муравьева (Феоктистова, Зубкова)
0:3 - 14:30 - Жакулина (Раковская)
0:4 - 18:47 - Зубкова (Феоктистова, Муравьева)
0:5 - 26:31 - Муравьева (Жакулина, Раковская)
0:6 - 55:14 - Муравьева (Халикова)

Енді қазақстандық хоккейшілер 25 қаңтарда Нидерланд, 26 қаңтарда Латвиямен кездеседі.

Айта кетейік, бұған дейін Қазақстан қыздар құрамасы Жаңа Зеландияны 14:3 есебімен ойсырата ұтқан болатын.