Қазақстандағы сайлау туралы шетелдік БАҚ не дейді?
![Қазақстандағы сайлау туралы шетелдік БАҚ не дейді?](/userdata/news/news_80148/image_l.jpg)
Шетелдік БАҚ Қазақстандағы Мәжіліс пен мәслихат депутаттарының сайлауын назардан тыс қалдырған жоқ. Толығырақ Tengrinews.kz материалында, - деп хабарлайды Massaget.kz тілшісі.
Қазақстанның барлық сайлау учаскесінде дауыс беру аяқталды.
Reuters агенттігі Қазақстанда "биліктегі ауыс-түйістерді аяқтайтын" кезектен тыс парламент сайлауы өткенін атап өтті.
"Мандатты нығайту ел басшылығына Ресейдің Украинаға басып кіруінен және бұрынғы Кеңес Одағы аумағындағы саудаға, инвестицияларға және жеткізу тізбегіне келтірілген залалдан туындаған аймақтық күйзелістерден өтуге көмектеседі", - деп атап өтті агенттік.
Мақала авторларының айтуынша, саяси реформалардың аяқталуы Мемлекет басшысының сыртқы саясаттағы ұстанымын нығайта түсуі мүмкін.
"Астана көрші әрі ірі сауда әріптесі Мәскеумен де, Ресейді оқшаулауды көздеп отырған Батыспен де жақсы қарым-қатынасты сақтауға тырысып жатыр", - делінген мақалада.
Deutsche Welle басылымында "Қазақстанның билеуші партиясы мерзімінен бұрын сайлауда жеңіске жетуі мүмкін" деген тақырыппен мақала шығарды, онда сайлаудағы халықаралық бақылаушылардың жоғары бағасын атап өтті.
"Халықаралық сайлау бақылаушылары Парламентке өту шегін 7-ден 5 пайызға дейін төмендету, партиядан тыс кандидаттарды қабылдау және әйелдер, жастар және мүгедектер үшін 30 пайыздық квота сияқты кейбір жаңалықтарды жоғары бағалады. Экзит-полл қорытындысы бойынша, биліктегі "Аманат" партиясы 53-54 пайыз дауыс алады", - деп жазған басылым.
Америкалық EurasiaNet ақпараттық-сараптамалық сайтының тілшісі кезектен тыс сайлауды көрсету үшін Қазақстанға арнайы келген. Портал журналисі алматылықтар дауыс беруге пассив қатысқанын көрсетті.
Bloomberg басылымы Қазақстанның басқарушы партиясы мерзімінен бұрын парламенттік сайлауда жеңіске жетуі керек екенін атап өтті, оны президент "қайта орнатудың" соңғы кезеңі деп атады.
"Жеті партия, соның ішінде жаңадан тіркелген екі партия, 98 орындық Парламенттегі партиялық тізімдер бойынша 69 орынға таласты, ал қалған орындарды Тоқаев өткізетін заң шығарушы органды қайта құрудың бір бөлігі болатын жаңа бір мандатты конкурстардың жеңімпаздары иеленді", - деп жазады агенттік.
AP news агенттігінде "қазақстандықтар жаңа бәсекелес парламенттік сайлауда дауыс береді" деген тақырыппен мақала шығарды.
Мақала авторлары бір мандатты сайлауға 400-ден аса кандидат қатысқанын, оның көпшілігі өзін-өзі ұсынғанын, ал Сайлау комиссиясы (ОСК) тағы екі партияға пропорционал сайлауға қатысуға рұқсат бергенін атап өтті.
Айта кетейік, елімізде сайлау алдында саяси партияларды тіркеу тәртібі жеңілдетілген болатын. Атап айтқанда, тіркеу шегі төрт есеге, яғни 20-дан 5 мың мүшеге дейін қысқартылды. Партиялардың аймақтық өкілдіктерінің ең аз саны 600-ден 200 адамға дейін қысқартылды. Бұл жолы Мәжіліске келген партиялардың пайызы да - 7-ден 5 пайызға дейін төмендеді.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек