Қазақстандағы Көккөлде жылан тәрізді құбыжық бары рас па?

Әлеуметтік желілерде тараған видеода Қазақстанда Көккөлде Лох-Несс құбыжығы мекендейтіні айтылады. Жылан тәрізді ежелгі тіршілік иесі денесінің ұзындығы 15 метрге жетеді. Уфологтардың пікірінше, құбыжық көл түбіндегі үңгірлерде жасырынады. Ал су айдынында құбыжықтың барын қырылдаған, ыңырсыған дыбыстардан және судың шалпылдағанынан байқауға болады екен. Бұл жалған, ғалымдар бұл жағдайды жай ғана түсіндірді, - деп хабарлайды Massaget.kz тілшісі stopfake.kz-ке сілтеме жасап. 

Көккөл - өте әдемі жер. Су қоймасы Қазақстанның оңтүстігінде, Жамбыл облысында таулы жерде орналасқан. Халық арасында Көккөл туралы аңыздар мен мифтер көп. Мұнда судың рухы Айдаһар тіршілік етеді екен. Оның ақыруы кернейдің дыбысына ұқсайды екен. Әрине, бұл - ертегі.

Көккөл өзінің ерекше физикалық қасиеттеріне байланысты Қазақстанның аномальды аймақтарының тізіміне енді. Мұндағы су әрдайым таза, бірақ көлге ешқандай өзен құймайды, Көккөлдің суы да ешқайда ақпайды. Тағы бір ерекшелігі - суда шұңқырлар және ұзын жолақты толқындар пайда болады. Бұл су астында ұзын аң жүзіп келе жатқандай әсер қалдырады.

Әртүрлі елдердің гидрологтары Көккөлге көптен бері қызығушылық танытып келеді.  Олар зерттеулер жүргізіп, Көккөлдің мұздақтардан және тау жыныстарының мореналық қыртыстар қабатында пайда болғанын анықтады. Морена - геологиялық шөгінділер. Жай сөзбен айтқанда, әртүрлі сынық материалы. Бұл - үлкен тастар, саз және ұсақ тастар.

Мореналарда каналдар, шұңқырлар, су астындағы үңгірлер пайда болуы мүмкін. Су ауада сіңірілген кезде, оғаш уілдеген дыбыстар, шұңқырлар пайда болады.

Жергілікті тұрғындардың айтуынша, көл суының емдік қасиеттері бар. Ғалымдар бұл деректі растады. Үңгірлердің қуыстарына тартылған кезде су минералдар мен тұздармен қаныққан.

Көккөл - тылсым күшке толы жер. Десе де, онда құбыжық мекендемейді. Гидролог ғалымдар су бетіндегі оғаш дыбыстарды, шұңқырлар мен толқындарды оның пайда болуымен байланыстырады.

Аптаның басты оқиғалары мен пайдалы видеоларды көру үшін YouTube арнамызға жазылыңыз