Қазақстандағы АЭС құрылысы: АҚШ елшісі Ресейдің жобаға қатысу мүмкіндігі туралы сұраққа жауап берді
![Қазақстандағы АЭС құрылысы: АҚШ елшісі Ресейдің жобаға қатысу мүмкіндігі туралы сұраққа жауап берді](/userdata/news/news_104156/image_l.png)
АҚШ-тың Қазақстандағы елшісінің айтуынша, атом электр стансасын салуға мердігерді таңдаған кезде үкімет барлық факторларды, соның ішінде жоба серіктесінің елін де ескеруі қажет, - деп хабарлайды Massaget.kz тілшісі Bes.media-ға сілтеме жасап.
АҚШ-тың Қазақстандағы елшісінің айтуынша, атом электр стансасын салуға мердігерді таңдаған кезде үкімет барлық факторларды, соның ішінде жоба серіктесінің елін де ескеруі қажет.
Мәселенің мән-жайы
АҚШ-тың Қазақстандағы елшісі Дэниел Розенблюм BES.media сайтының бас редакторы Серікжан Мәулетбайға берген сұхбатында Ресей Қазақстандағы атом электр стансасын салу конкурсында жеңіске жеткен жағдайда АҚШ бұш шешімді қалай қабылдайды деген сұраққа жауап берді.
АҚШ Қазақстанда атом электр стансасының салынып жатқанынан хабардар
"Біз Қазақстанның атом электр станциясын салғалы жатқанын жақсы білеміз, бұл елдің электр энергиясына деген қажеттілігін қанағаттандыру, сондай-ақ оның көміртекті отынға тәуелділігін азайту үшін қажет екенін түсінеміз. Бұл бәріміз қолдайтын декарбонизация бағдарламасының бір бөлігі. Менің түсінуімше, биыл референдум өтуі керек. Президент бұл туралы былтыр күзде уәде еткен болатын. Қазақстан халқы шешім қабылдайды", - деді елші.
АҚШ Қазақстан барлық факторды ескереді деп үміттенеді
"Конкурс қазірдің өзінде жүріп жатқанын, төрт консорциумның өтінім бергенін білеміз. Шешім қабылданғанда немесе оған жақындағанда, Қазақстан бұл мәселе бойынша көптеген елдермен, соның ішінде АҚШ-пен кеңеседі деп ойлаймын. Біз бұл станцияны салу туралы шешім қабылдағанда оны референдум арқылы мақұлдайды деп болжаймыз. Қазақстан үкіметі тендерге қатысушылардың жобаны жүзеге асыру мүмкіндігі, сондай-ақ олардың қай елдің өкілі екендігі сияқты барлық факторларды ескеретін болады деп күтеміз. Осылайша, біз бұл жоба бойынша қазақстандық әріптестерімізбен өте ашық, белсенді диалогты қолдаймыз", - деп жауап берді Дэниел Розенблюм.
АЭС альтернативасы
Дэниел Розенблюм Қазақстан мен АҚШ энергетика саласына, соның ішінде атом энергетикасына қатысты мәселелер бойынша бір-бірімен кеңесіп жатқанын айтты.
"Бізде АҚШ-та шағын модульдік реакторлар (SMR) деп аталатын атом электр станцияларын шығару үшін жасалған жаңа технологиялар бар. Бұл жаңа технология. Және біз Қазақстан ядролық технологиялардың осы жаңа толқынының бір бөлігі болуға өте мүдделі екенін білеміз. Ал Қазақстан ядролық технологияның осы жаңа толқынының бір бөлігі болуға өте мүдделі екенін білеміз. Бұл технология қазіргіден қауіпсіз және икемді, өйткені салыстырмалы түрде айтқанда, бұл шағын реакторлар, олар салқындату үшін көп мөлшерде су мен басқа заттарды қажет етпейді. Ал Қазақстан сияқты жері кең мемлекет үшін бұл өте қолайлы баламалы таңдау бола алады. Біздің Қазақстанмен диалогымыздың деңгейі осындай. Бұл энергия қажеттіліктері бойынша жалпы консультациялар және осы жаңа технология туралы нақты ақпаратпен алмасу", - деп қосты Қазақстандағы АҚШ елшісі.
Контекст
Мемлекет басшысы Қасым-Жомарт Тоқаев қазақстандықтар атом электр станциясын салу немесе салмау туралы шешім қабылдайтын референдум өткізуді тапсырды. Әзірге АЭС құрылысының алғашқы орны ретінде Балқаш көлінің жағасындағы Алматы облысының Үлкен ауылы таңдалды.
Қазақстан қазірдің өзінде Ресей, Корея, Венгрия және Еуропа елдерімен кадрларды даярлау туралы келісімдер жасасқан. Алдын ала болжам бойынша, Қазақстанда атом электр стансасын салуға 10-15 миллиард доллар қажет.
Өзекті жаңалықтарды өз уақытында оқу үшін Facebook парақшамызға жазылыңыз!
Massaget.kz