Қазақстанда шетелдіктердің қатысумен 40-тан астам ірі жоба іске қосылады
![Қазақстанда шетелдіктердің қатысумен 40-тан астам ірі жоба іске қосылады](/userdata/news/news_103122/image_l.jpg)
Биыл шетелдіктердің қатысумен 40-тан астам жоба іске қосылмақшы. Аталған шаралар аясында 68,8 мың жұмыс орнын құру көзделген, - деп хабарлайды Massaget.kz тілшісі primeminister.kz-ке сілтеме жасап.
Үкімет басшысы Олжас Бектенов "Kazakh Invest" ҰК" АҚ директорлар кеңесінің отырысында ұлттық компанияның ағымдағы қызметі мен алдағы жұмыс жоспарлары қаралды.
Қазіргі уақытта Kazakh Invest жалпы құны $27,3 млрд-ты құрайтын 200 жобаға қолдау көрсетуде.
"Солардың бірі – Астана қаласында орналасқан америкалық GE Healthcare компаниясының медициналық құрал-жабдықтарын шығаратын кәсіпорын. Жоба шеңберінде УДЗ және КТ аппараттарының өндірісі локализацияланады. Бұл қазақстандық ауруханаларды қамтамасыз етіп қана қоймай, болашақта басқа елдерге экспортты жолға қоюға мүмкіндік береді. Сонымен қатар компания республиканың денсаулық сақтау жүйесіндегі кадрлардың біліктілігін арттыру үшін білім беру бағдарламаларын ұйымдастыруды жоспарлап отыр", - делінген хабарламада.
Сондай-ақ, швейцариялық Roche компаниясы алдағы уақытта экспортқа шығу перспективасымен Алматыда ісікке қарсы препараттар өндірісін іске қосады.
Австриялық Lasselsberger компаниясы Астанада керамикалық плиткалар, құрғақ құрылыс қоспалары мен құрылыс желімдері өндірісін локализациялауда. Жаңа зауыттың ашылуы 200-ден астам жұмыс орнын құруға мүмкіндік береді және Қазақстан нарығының осы өнімдердегі импортқа тәуелділігін төмендетеді.
Премьер-Министрдің тапсырмасы бойынша Kazakh Invest алдағы жұмысында астықты терең өңдеу, пластмассаның сұранысқа ие түрлерін өндіру, мұнай-газ жабдықтарын және импорт көлемі жоғары басқа да тауарларды оқшаулау бойынша перспективалы жобаларға инвесторлар тартуға басымдық беретін болады.
"Мемлекет басшысы 2029 жылға қарай экономика көлемін $450 млрд-қа дейін ұлғайту міндетін қойды. Сондықтан ірі инвесторларды іздеу және оларды елімізге тарту бойынша жұмысты күшейту керек. Бұл орайда батыл әрі жаңашыл шешімдер қажет", — деп атап өтті Премьер-Министр.
Instagram парақшамызға жазылып, ең қызықты ақпараттарды бірінші болып оқыңыз!
А. Жайыққызы