• 506.25
  • 490.7
  • 5.27

Қазақстанда отшашу сатуға түбегейлі тыйым салынуы мүмкін

Қазақстанда отшашу сатуға түбегейлі тыйым салынуы мүмкін
Фото: depositphotos.com

Қазақстанда отшашу сатуға түбегейлі тыйым салынуы мүмкін. Петиция жарияланып, Әділет министрлігіне жолданған, - деп хабарлайды Massaget.kz тілшісі Gazaqstantv-ға сілтеме жасап.

Бастамашылар пиротехникалық өнімдер табиғатқа зиян келтіріп қана қоймай, адам өміріне де аса қауіпті деп отыр.

Қолданыстағы заң бойынша пиротехникалық өнімдер тек балаларға сатылмайды және лицензиясыз саудалауға рұқсат жоқ.

Айта кетейік, Жаңа жыл мерекесінде отшашудан республика бойынша 63 адам зардап шеккен. Оның 20-сы бала.

Еске салайық, бұған дейін Жаңа жылда 125 мыңнан аса отшашу тәркіленгені хабарланды. Биыл іс-шаралар барысында полицейлер өртке қарсы қызмет бөлінісінің қызметкерлерімен бірлесіп, сегіз мыңнан аса рейд жүргізген. Нәтижесінде 1480 заңбұзушылық анықталды. Құқықбұзушылар әкімшілік жауапкершілікке тартылды.

Instagram парақшамызға жазылып, ең қызықты ақпараттарды бірінші болып оқыңыз!

Ж. Қадыржанова