Қазақстанда отбасылық-тұрмыстық әкімшілік құқық бұзушылық 90 пайызға көбейіп кеткен
![Қазақстанда отбасылық-тұрмыстық әкімшілік құқық бұзушылық 90 пайызға көбейіп кеткен](/userdata/news/news_99965/image_l.jpg)
Қазақстанда отбасылық-тұрмыстық әкімшілік құқық бұзушылық 90 пайызға көбейіп кеткен, - деп хабарлайды Massaget.kz тілшісі ranking.kz сайтына сілтеме жасап.
Былтыр қаңтар–желтоқсан қорытындысы бойынша, Қазақстанда отбасы-тұрмыстық қатынастар саласында 47,6 мың әкімшілік құқық бұзушылық тіркелсе, бір жыл бұрынғы 25,1 мың құқық бұзушылық болған. Жылдық өсім бірден 89,3 пайыз. Оның 20,8 мыңы - денсаулыққа қасақана жеңіл зиян келтіру, 16,9 мыңы - ұрып-соғу, 743-і - жала жабу. Осылардың ішінде 43,7 мың әкімшілік іс қаралды (бір жылда 80,6 пайыз көбейген).
Қаралған отбасы-тұрмыстық істердің 24,5 мыңы тоқтатылды, бұл 2022 жылғы қаңтар–желтоқсанмен салыстырғанда 2,1 есе көп. Қалған 19,2 мың іс бойынша әкімшілік жаза қолданылды.
19,2 мың істің 9,5 мыңы әкімшілік қамаққа алумен, 9,4 мыңы ескертумен, 247-сі әкімшілік айыппұлмен, біреуі ҚР шегінен шығарып жіберумен аяқталды (шетелдіктерге немесе азаматтығы жоқ адамдарға қатысты).
Салынған айыппұлдың жалпы сомасы бір жыл бұрынғы 2 млн теңгемен салыстырғанда 4,8 млн теңге. Оның әзірге 2,6 млн теңгесі ғана өндірілді.
Сонымен қатар, дәл осы кезеңде - 2023 жылдың қаңтар–желтоқсанында - Қазақстанда отбасылық-тұрмыстық салада 923 қылмыстық құқық бұзушылық тіркелді, бұл бір жыл бұрынғыдан 2 пайыз аз.
Отбасылық-тұрмыстық барлық қылмыстық құқық бұзушылықтардың үштен бірінен астамы (36,5 пайыз) денсаулыққа қасақана ауыр зиян келтіру жағдайлары болды: 337 құқық бұзушылық - бір жыл бұрынғыдан 8,4 пайыз аз.
Денсаулыққа қасақана ауырлығы орташа зиян келтіру істері де айтарлықтай үлесті: 336 құқық бұзушылық, жыл сайынғы өсім 4,7 пайыз.
Тұрмыстық саладағы кең таралған қылмыстық құқық бұзушылықтарға сондай-ақ адам өлтіру (108 іс), абайсызда денсаулыққа зиян келтіру (19 іс), адам өлтіруге дайындалу және оған оқталу және қажетті қорғаныс шегінен шығу кезінде денсаулыққа ауыр зиян келтіру (әр бап бойынша 17 іс) жатады.
Өңірлер бойынша салада ең көп қылмыстық құқық бұзушылықтар Павлодар облысында жасалған: 88 іс - бір жыл бұрынғыдан 1,1 пайыз аз.
Одан кейін Қарағанды (80 іс), Алматы және Шығыс Қазақстан (әр өңірде 75 істен), Ақмола (67 іс) және Қостанай (53 іс) облыстары тұр.
Мұндай құқық бұзушылықтардың ең азы Қызылорда (21 іс), Маңғыстау (22 іс) және Абай (25 іс) облыстарында тіркелді.
Қызықты жаңалықтар мен видеоларды көру үшін TikTok арнамызға жазылыңыз!
С. Сатыбалдина