Қазақстанда кісі өлтірген 146 адам іздеуде жүр - Бас прокуратура

Бас прокуратура қызметкерлері іздестіру статистикасын жариялады, - деп хабарлайды Massaget.kz тілшісі. 

Бас прокуратураның Құқықтық статистика және арнайы есепке алу жөніндегі комитетінің деректері бойынша, қазір 10 748 адам іздестіріліп жатыр, олардың 2 176 із-түссіз жоғалғандар.

Жоғалған адамдың көбі:

• Алматы - 287;
• Қарағанды -221;
• Павлодар -170;
• Алматы облысы - 167 тіркелген.

Прокуратура дерегінше, көбіне 30-49 жас аралығындағы ер адамдар түрлі жағдайда жоғалады. Мысалы:

• Үйден кетіп, оралмаған - 1 634 адам,
• автокөлікпен жоғалған - 74,
• жұмыстан кеткен - 36.

Сондай-ақ, елде тергеу мен соттан жасырынған 2 372 адам іздестіріліп жатыр.

Іздеуде жүргендер - негізінен 31-40 жас аралығындағы ер адамдар.

Олардың ең көбі - алаяқтық (510 адам), ұрлық (318 адам) және кісі өлтіру (146 адам) дерегі бойынша:

• Алматыда 514 адам;
• Астанада 185 адам;
• Шымкентте 155 адам;
• Алматы облысында 143 адам;
• Қарағанды облысында 140 адам іздестіріліп жатыр. 

Өзекті жаңалықтарды өз уақытында оқу үшін Facebook парақшамызға жазылыңыз!