Қазақстанда қай қалада пәтер жалдау бағасы қымбат?

Қазақстанда жалға берілетін тұрғын үй бағасы қайтадан қымбаттай бастады. Бір ай ішінде, 27 маусым мен 26 шілде аралығында орташа тарифтер 4,2%-ға өскен, - деп хабарлайды Massaget.kz тілшісі Krisha.kz сайтына сілтеме жасап.

Қай қалада пәтерді жалдау ақысы бір айда қымбаттады? 

• Қостанай, Петропавлда: әрқайсысы 10 пайыз;
• Алматы, Шымкент: әрқайсысы 7 пайыз;
• Ақтау: 5 пайыз;
• Ақтөбе: 4 пайыз;
• Астана, Қарағанды, Орал: әрқайсысы 3 пайыз;
• Павлодар, Көкшетау: әрқайсысы 2 пайызға өскен.
• Атырауда баға өзгерген жоқ. Ал Өскеменде 1 пайызға төмендеген.

Бұл ретте қаңтар айынан бергі статистикаға көз жүгіртетін болсақ, жалға алу ақысы орташа есеппен небәрі 3 пайызға ғана қымбаттаған.

Қостанай 13 пайыз, сондай-ақ Ақтау 10 пайыз, Ақтөбе 9 пайыз тарифті көтеру бойынша көшбасшылар қатарында.

Сонымен қатар, жалға алу ақысы да төмендеді.

• Көкшетау қаласында: 6 пайыз;
• Өскемен: 5 пайыз;
• Алматы: 1 пайызға төмендеген.
• Астанада орташа жалдау бағасы өзгеріссіз қалды.

27 шілдедегі жағдай бойынша Қазақстан Республикасының қалаларында жалға берілетін тұрғын үйлердің орташа бағасы мынадай:

• бір бөлмелі пәтер – 124 мың теңге;
• екі бөлмелі пәтер – 165 мың теңге;
• үш бөлмелі пәтер - 209 мың теңге.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!