1 тамыздағы жағдай бойынша жергілікті атқарушы органдардың рұқсатымен Қазақстан аумағында 14 130 шетел азаматы жұмыс істейді, - деп хабарлайды Massaget.kz тілшісі.
Еңбек және халықты әлеуметтік қорғау министрлігі мәліметінше, қазір Қазақстанда шетелдік жұмыс күшін пайдаланатын 1 899 жұмыс беруші бар. Оларда 348 мыңнан аса Қазақстан азаматы жұмыс істейді, бұл - қызметкерлердің жалпы санының 96%-ы.
Шетелдіктер мына салаларда жұмыс істейді:
- құрылыс саласында - 4 949 адам,
- ауыл, орман және балық шаруашылығы - 2 930 адам,
- тау-кен өнеркәсібі және карьерлерді қазу - 1 369 адам,
- өңдеу өнеркәсібі - 1 210 адам.
Еңбек мигранттары келетін негізгі елдер:
- Қытай - 5 120 адам,
- Өзбекстан - 2 478 адам,
- Түркия - 1 042 адам,
- Үндістан - 1 031 адам.
Instagram парақшамызға жазылып, ең қызықты ақпараттарды бірінші болып оқыңыз!
Ж. Қадыржанова